أفضل بدائل منتجات المقاطعة للعناية بالشعر والبشرة

كلنا دلوقتي بلا استثناء مقاطعين البراندات العالمية وبنتعامل بس بالمنتجات المحلية عشان اخواتنا في فلسطين، والسوق المصري مليان منتجات وبراندات بجودة عالية بتنافس الماركات العالمية وهتخلينا نستغنى تماماً عن البراندات العالمية!

في المقالة دي، هنستعرض بعض المنتجات المصرية اللي تعتبر بدائل ممتازة للمنتجات المقاطعة. هتساعدنا المنتجات دي على تحقيق توازن بين الاهتمام بالجودة والحفاظ على الاقتصاد المحلي.

بدائل منتجات المقاطعة

جريليڤز - بديل منتجات الشعر المقاطعة 

تعتبر منتجات جريليڤز من أفضل البدائل المصرية للعناية بالشعر. فهي بتتميز بتركيبتها الطبيعية واهتمامها بتوفير منتجات نباتية وعضوية مش متجربة على الحيوانات. بتقدم جريليڤز مجموعة منتجات بتهتم بتغذية وترطيب الشعر، وبتضمن توفير العناية المطلوبة للشعر دون استخدام مواد كيميائية ضارة.

جدلى برايد - بديل مستحضرات التجميل المقاطعة

بتعتبر جدلى برايد براند مصرية ناشئة بتهدف لتحسين وتطوير صناعة مستحضرات التجميل في مصر. وبتركز جدلى برايد على تشجيع فكرة قبول وحب الذات وتقديرها من غير تجمل زائف. وبتقدم البراند مجموعة متنوعة من المستحضرات اللي بتلبي احتياجات العناية بالبشرة، وبتتميز بتوفير بعض الرفاهية في منتجات المكياج والتجميل. وبفضل جودة المنتجات دي، هتقدري من الظهور بكامل تألقك وثقتك بنفسك.

جلو أپ

لو كنتي بتدوري على منتجات مكياج عالية الجودة، فجلو أپ هي البديل المثالي لبراندات عالمية كتير. بتقدم البراند دي مجموعة واسعة من الروجات اللي بتتميز بالجودة العالية والتأثير الرائع. درجاتها القوية والجميلة هتخلي شفايفك لامعة وجذابة لفترة طويلة. استمتعي بتجربة ممتعة مع المنتجات المصرية دي اللي بتتميز بالجودة والاهتمام بالتفاصيل.

سترونج ڤيل

سترونج فيل هي إحدى العلامات التجارية التابعة لشركة باركفيل، وهي شركة مصرية رائدة في مجال تصنيع منتجات العناية بالبشرة والشعر والجسم. تقدم حلولاً متعددة لمشاكل البشرة والشعر من خلال توفير مجموعة متنوعة من المنتجات، مع مكونات تتناسب مع كل مشكلة وتعالجها.

إن سبايرد

إن سبايرد هي شركة مصرية بتنتج برفنات، البراند دي بتؤمن ان مش لازم تدفعي أرقام مهولة عشان يبقى عندك برفان رائحته حلوة بالعكس بتوفرلك مجموعة كبيرة مستوحاة من براندات برفانات عالمية، عشان تحصلي على الرائحة اللي بتحبيها من ماركتك المفضلة بسعر معقول.

إنفينيتي فارما

تعتبر إنفينيتي فارما واحدة من أفضل المنتجات المحلية في السوق المصري كمان بتنافس منتجات عالمية كتير بسبب جودتها العالية، البراند دي بتقدملك منتجات للعناية بالشعر والبشرة عشان توفرلك العناية الكاملة اللي ممكن تحتاجيها. كمان مكونتها طبيعية ١٠٠٪ ونقية عشان تظهري ثقتك بنفسك من غير خوف من مواد كيميائية.

إي جي كوتون

إي چى كوتون هى شركة متخصصة في صناعة المنتجات القطنية الأساسية الفاخرة اللى بتحتاجيها في روتينك اليومى. بدايةً من شرائح الوجه والكرات القطنية الناعمة وحتى اعواد الأذن متعددة الاستخدام اللى كلنا مش بنستغنى عنها! جميع منتجات ماركة إي چى كوتون عالية الجودة ولطيفة هتغنيكى عن ماركات منافسة كتير لإنها تستحق التجربة!

أڤوڤا

أڤوڤا هي براند دايماً بتبهرنا بإبتكارها وتقنياتها الحديثة في تصنيع منتجاتها بأفضل المكونات. بتقدم منتجات متنوعة للعناية بالبشرة والجسم. بدايةً من عام ٢٠١٨ سعت أڤوڤا لتقديم منتجات العناية الخاصة بالسيدات زى الشمع البارد، اللى وفر الكثير من الوقت والألم لمعظم السيدات. مش بس كده، تم إصدار العديد من المنتجات المختلفة بنفس الجودة العالية. أڤوڤا حلت المعادلة الصعبة لتوفير منتجات بجودة عالية وبأسعار فى متناول الجميع!

دي بعض البدائل المصرية الممتازة للمنتجات المقاطعة. بغض النظر عن المنتج اللي بتدوري عليه، تقدري دايماً الحصول على بدائل محلية مصرية تلبي كل احتياجاتك.