خلاص مفيش برد! يلا قومى اقفى قدام مرايتك و جربى ترشيحاتنا لأجدد منتجات المكياج و ورينا ابداعاتك!
للبشرة:
١-بلاشر كريمى، إسنشالز
بلاشر إسنشالز الكريمى واحد من أكثر المنتجات اللى هيمنحوكى لوك طبيعى و نَضر بشكل فورى، و خصوصًا بعد بهتان البشرة اللى بتسببه درجات الحرارة المنخفضة فى الشتاء. بلاشر غنى بڤيتامين هـ اللى هيرطب بشرتك بعد جفاف الشتاء، هيكون إضافة مثالية لمكياجك و هتحتارى تختارى من ألوانه!
ادي بشرتك إشراقة و نضارة بعد بهتان البشرة اللى بيسببه فصل الشتاء مع هايلايتر برونزاج السائل من دونا ناتشورال. تركيبة طبيعية هتوفر للبشرة لمعان كأنك عاملة تان و مش هتسبب التهاب للبشرة و خصوصًا مع ارتفاع درجات الحرارة.
للعين:
چل الحواجب من أساسيات المكياج السنة دى و خصوصًا مع الجو الحر ده، بالتالى هتحتاجى تثبتي حواجبك بچل الحواجب من لاكيِ لحواجب مرسومة و ثابتة طول اليوم!
للشفايف:
تينت الشفايف و الخدود من لاكى مش هتستغنى عنه فى شنطتك طول الوقت، لو احتاجتى تظبطى مكياجك أو حتى تديها لوك تان طبيعى متألق! تركيبته خفيفة هتحافظ على ترطيب بشرتك برغم الأجواء و درجات الحرارة المختلفة فى الصيف.
لب جلوس جيزمو مناسب جدًا لأجواء صيفية منعشة و خفيفة هيديكى لون بينك خفيف و لوك لامع على أى درجة لون. جربى تستخدميه بعد تنت الشفايف و الخدود من لاكى.
٩-قلم تحديد شفايف - أولد بينك،سيبال
قلم أولد بينك هيحدد شفايفك بتركيبة ناعمة و ثابتة و مقاومة للماء؛ هتبرزى جمال شفايفك بلون واضح و سهل الدمج و تغطية عالية.
الزيت ده بقى من أهم المنتجات اللى بننصحك بيها فى المقال ده؛ لأنه غنى ب٣ أنواع من الزيوت الأساسية المُرطبة و المُغذية، زيت الچوچوبا و زيت الأرجان و زيت الأڤوكادو. هتقدرى تستخدميه للوك صيفى لامع مع ترطيب عميق للشفايف. بننصحك تجربيه مع قلم تحديد شفايف أولد بينك من سيبال للوك أكثر جاذبية و تألق.