١٠ منتجات لمكياجك أساسية لصيف ٢٠٢٤

خلاص مفيش برد! يلا قومى اقفى قدام مرايتك و جربى ترشيحاتنا لأجدد منتجات المكياج و ورينا ابداعاتك! 

للبشرة:

١-بلاشر كريمى، إسنشالز

بلاشر إسنشالز الكريمى واحد من أكثر المنتجات اللى هيمنحوكى لوك طبيعى و نَضر بشكل فورى، و خصوصًا بعد بهتان البشرة اللى بتسببه درجات الحرارة المنخفضة فى الشتاء. بلاشر غنى بڤيتامين هـ اللى هيرطب بشرتك بعد جفاف الشتاء، هيكون إضافة مثالية لمكياجك و هتحتارى تختارى من ألوانه! 

٢-أدفانسد كونتور مع كونسيلر العين، كولاجرا

تعالى أقولك على سر متعدد الفوائد، سيروم كولاجرا لمنطقة كونتور العين تقدرى تستخدميه كونسيلر؛ لأنه بيتميز بقدرته على إخفاء عيوب البشرة. و كمان تستفادى بفوايده الترطيبيه لأنه بيرطب و يغذى منطقة تحت العين و يقلل البقع الغامقة و الانتفاخ. تركيبته خفيفة الوزن هتبقى مناسبة جدًا للاستخدام فى الصيف و درجات الحرارة المرتفعة. 

٣–هايلايتر سائل برونزاج، دونا ناتشورالز

ادي بشرتك إشراقة و نضارة بعد بهتان البشرة اللى بيسببه فصل الشتاء مع هايلايتر برونزاج السائل من دونا ناتشورال. تركيبة طبيعية هتوفر للبشرة لمعان كأنك عاملة تان و مش هتسبب التهاب للبشرة و خصوصًا مع ارتفاع درجات الحرارة. 

للعين: 

٤-چل حواجب -دونت ليت إت سلايد، لاكى

چل الحواجب من أساسيات المكياج السنة دى و خصوصًا مع الجو الحر ده، بالتالى هتحتاجى تثبتي حواجبك بچل الحواجب من لاكيِ لحواجب مرسومة و ثابتة طول اليوم! 

٥-قلم كحل للعين(لون: تركواز)، لونا

قلم الآيلاينر من لونا هيكون صديقك المفضل طول الصيف بملمسه الچل الكريمى اللى بيخليه آمن على العين الحساسة اللى بتتأثر بالأتربة فى الحر. بننصحك بدرجة لون التركواز اللى هتديكى لوك منعش و صيفى بامتياز. 

٦-باليت أيشادو كالور أيكون، ويت إن وايلد

باليت كالور أيكون بألوانها العشرة المميزة من ويت إن وايلد هتبرز جمال عينيكى طول الصيف و هتساعدك تعملى أكتر من لوك مختلف زى الشيمرى و الميتالك و حتى اللوك المطفى، و كمان ألوانها ثابتة و سهلة الاستخدام و الدمج بسبب قوامها الكريمي اللطيف. 

للشفايف: 

٧-تنت الشفايف والخدود، لاكى

تينت الشفايف و الخدود من لاكى مش هتستغنى عنه فى شنطتك طول الوقت، لو احتاجتى تظبطى مكياجك أو حتى تديها لوك تان طبيعى متألق! تركيبته خفيفة هتحافظ على ترطيب بشرتك برغم الأجواء و درجات الحرارة المختلفة فى الصيف. 

٨-لب جلوس بالفراولة، جيزمو

لب جلوس جيزمو مناسب جدًا لأجواء صيفية منعشة و خفيفة هيديكى لون بينك خفيف و لوك لامع على أى درجة لون. جربى تستخدميه بعد تنت الشفايف و الخدود من لاكى. 

٩-قلم تحديد شفايف - أولد بينك،سيبال

قلم أولد بينك هيحدد شفايفك بتركيبة ناعمة و ثابتة و مقاومة للماء؛ هتبرزى جمال شفايفك بلون واضح و سهل الدمج و تغطية عالية. 

١٠-زيت مرطب للشفايف، أماندا ميلانو

الزيت ده بقى من أهم المنتجات اللى بننصحك بيها فى المقال ده؛ لأنه غنى ب٣ أنواع من الزيوت الأساسية المُرطبة و المُغذية، زيت الچوچوبا و زيت الأرجان و زيت الأڤوكادو. هتقدرى تستخدميه للوك صيفى لامع مع ترطيب عميق للشفايف. بننصحك تجربيه مع قلم تحديد شفايف أولد بينك من سيبال للوك أكثر جاذبية و تألق.